குன்னூர்: மத்திய பாதுகாப்புத் துறை அமைச்சர் ராஜ்நாத்சிங் வருகை
நீலகிரி மாவட்டம் குன்னூரில் உள்ள வெலிங்டன் இராணுவ பயிற்சி கல்லூரியில் பயிற்சி பெற்று வரும் பன்னாட்டு இராணுவ பயிற்சி அதிகாரிகளுக்கு பட்டமளிப்பு வழங்கும் விழாவில் பங்கேற்பதற்காக மத்திய பாதுகாப்பு துறை அமைச்சர் ராஜ்நாத்சிங் நேற்று டெல்லியில் இருந்து விமானம் மூலம் கோவை வந்தடைந்து, கோவையில் இருந்து சாலை மார்க்கமாக கோத்தகிரி வழியாக குன்னூர் வெலிங்டன் இராணுவ பயிற்சி கல்லூரிக்கு வருகை புரிந்தார். முன்னதாக தற்போது வெலிங்டன் இராணுவ பயிற்சி கல்லூரியின் முகப்பில் மத்திய பாதுகாப்பு துறை அமைச்சர் ராஜ்நாத்சிங்கிற்கு இராணுவ அதிகாரிகள் இராணுவ மரியாதையுடன் கூடிய வரவேற்பு அளித்தனர். தற்போது மத்திய பாதுகாப்பு துறை அமைச்சர் போரில் வீர மரணம் அடைந்த இராணுவ வீரர்களின் போர் நினைவு தூணிற்கு மலர் வளையம் வைத்து அஞ்சலி செலுத்தி வருகிறார். தொடர்ந்து பன்னாட்டு இளம் பயிற்சி அதிகாரிகளுக்கு பட்டமளிப்பு வழங்கும் விழாவில் பங்கேற்கிறார். இந்த விழாவில் பயிற்சி அதிகாரிகளுடன் கலந்துரையாடல் நிகழ்ச்சியிலும் பங்கேற்கிறார்.
