கிருஷ்ணகிரி: 422 மாணவர்களுக்கு விலையில்லா சைக்கிள் வழங்கல்

கிருஷ்ணகிரி அரசு ஆண்கள் மேல்நிலைப்பள்ளியில் பிளஸ்-1 படிக்கும் 422 மாணவர்களுக்கு தமிழக அரசின் விலையில்லா சைக்கிள்கள் வழங்கும் நிகழ்ச்சி நேற்று(அக்.10) நடைபெற்றது. பள்ளி தலைமை அசிரியர் ரமேஷ் தலைமை தாங்கினார்.
நிகழ்ச்சியில் கிருஷ்ணகிரி கிழக்கு மாவட்ட தி. மு. க. செயலாளர் டி. மதியழகன் எம். எல். ஏ. கலந்து கொண்டு 422 மாணவர்களுக்கு தமிழக அரசின் விலையில்லா சைக்கிள்களை வழங்கினார்.

பிறகு மாணவர்ளிடம் பேசும்போது, பள்ளி மாணவர்கள் பள்ளிக்கு வந்து செல்வதற்காக விலையில்லா சைக்கிள்கள் வழங்கப்படுகிறது. மாணவர்கள் போக்குவரத்து விதிமுறைகளை கடைபிடித்து பள்ளிக்கு பாதுகாப்பாக வந்து நன்றாக படித்து உயர்ந்த நிலையை அடைய வேண்டும், என்றார்.