முன்னாள் மத்திய அமைச்சர் சிவசங்கரின் மனைவி காலமானார்

மறைந்த முன்னாள் மத்திய அமைச்சரும், முன்னாள் ஆளுநருமான சிவசங்கரின் மனைவி லட்சுமிபாய் (94) நேற்று (மே 30) வியாழக்கிழமை காலமானார். அவருக்கு காங்கிரஸ் தலைவரும் மூத்த அறுவைசிகிச்சை இரைப்பைக் குடலியல் நிபுணருமான டாக்டர் வினய் குமார் என்ற மகனும் ஒரு மகளும் உள்ளனர். வயது மூப்பு உள்ளிட்ட காரணங்களால் சிகிச்சையில் இருந்த அவர் நேற்று காலமானார்.

லக்ஷ்மி பாய் ஒடிசாவைச் சேர்ந்த முதல் பெண் பட்டதாரி என்ற பெருமைக்கும் சொந்தக்காரர் ஆவார். லக்ஷ்மி பாய் 90 வயதை நெருங்கியபோது உஸ்மானியா பல்கலைக்கழகத்தில் இரண்டு பிஎச்டி பட்டங்களையும் டிலிட் பட்டத்தையும் பெற்றுள்ளார். இவர் புகழ்பெற்ற வயலின் கலைஞர் துவாரம் வெங்கடசுவாமி நாயுடுவின் தாய்வழி மருமகளும் கூட. லக்ஷ்மி பாயின் கணவர் சிவசங்கர், வெளிவிவகார அமைச்சராகவும் சிக்கிம் ஆளுநர் உள்ளிட்ட பல்வேறு பதவிகளை வகித்துள்ளார்.