சத்தி அருகே விபத்து கல்லூரி மாணவன் சம்பவ இடத்திலேயே பலி

சத்தியமங்கலம் அருகே அரசு பேருந்தின் பின்புறம் ஈச்சர் வாகனம் மோதியதில் கல்லூரி மாணவன் சம்பவ இடத்திலேயே பலி. காயம் அடைந்த 10 பேர் சத்தியமங்கலம் அரசு மருத்துவமனையில் அனுமதி.

ஈரோடு மாவட்டம் சத்தியமங்கலம் என்ற பகுதியில் கோவையில் இருந்து அரசு பேருந்து ஒன்று சத்தியமங்கலம் நோக்கி வந்து கொண்டிருந்தது.

அப்பேருந்தில் 40க்கும் மேற்பட்ட பயணிகள் பயணம் செய்துள்ளனர்.

இதேபோன்று பழைய துணிகள் பாரம் ஏற்றிக்கொண்டு சத்தியமங்கலத்தில் இருந்து கோவையில் உள்ள சுங்கம் பகுதிக்கு ஈச்சர் வாகனம் வந்து கொண்டிருந்தது இரண்டு வாகனங்களும் புது ரோடு என்ற பகுதி அருகே வந்து கொண்டிருந்தபோது ஈச்சர் வாகனம் எதிர்பாராத விதமாக எதிரே வந்த அரசு பேருந்தின் பின்பகுதியில் வலது புறமாக கட்டுப்பாட்டை இழந்து மோதியுள்ளது.

அப்போது அப்பேருந்தில் பயணித்த சத்தியமங்கலம் அருகே உள்ள கொண்டப்ப நாயக்கன்பாளையம் பகுதியைச் சேர்ந்த கோவையில் உள்ள தனியார் கல்லூரியில் பயின்று வரும் சுதீஷ் என்ற 21 வயது மாணவர் ஈச்சர் வாகனத்தின் கண்ணாடி பொருத்தப்பட்டிருந்த கம்பி முதுகில் குத்தியதால் அவர் சம்பவ இடத்திலேயே பலியானார்.

மேலும் அந்த பேருந்தில் பயணித்த 10 பயணிகள் சிறு காயங்களுடன் உயிர்த்தப்பினர் பின்னர் இந்த விபத்தில் கண்ட அக்கம்பக்கத்தில் உள்ளவர்கள் தனியார் ஆம்புலன்ஸ்க்கு தகவல் தெரிவித்து அவர்களை மீட்டு சத்தியமங்கலம் அரசு மருத்துவமனைக்கு அனுப்பி வைத்தனர்.