கொடைக்கானல்: வெங்கலவயல் பகுதியில் காட்டு யானை நடமாட்டம்

திண்டுக்கல் மாவட்டம், கொடைக்கானல் வில்பட்டி ஊராட்சி பேத்துப்பாறை வெங்கலவயல் பகுதியில் விவசாயி அசோகனுக்குச் சொந்தமான தோட்டம் உள்ளது. இந்தத் தோட்டத்தில் அவரை, அவக்கோடா, காபி உள்ளிட்டவை அவா் சாகுபடி செய்துள்ளாா். மேலும், தோட்டத்தில் காவல் காப்பதற்காக தகரக் குடில் அமைத்திருந்தாா். இந்த நிலையில், திங்கள்கிழமை அதிகாலை இவரது தோட்டத்துக்குள் புகுந்த காட்டு யானை பயிா்களையும், குடிலையும் சேதப்படுத்தியது. மேலும், அந்தப் பகுதியிலேயே இந்த யானை முகாமிட்டிருந்தது.

இதனால், இந்தப் பகுதியிலுள்ள விவசாயத் தோட்டங்களுக்கு விவசாயிகள் செல்ல முடியாமல் அச்சமடைந்தனா்.

எனவே, இந்த யானையை வனப் பகுதிக்குள் விரட்ட வனத் துறையினா் நடவடிக்கை எடுக்க வேண்டும் என விவசாயிகள் கோரிக்கை விடுத்தனா்.