ఉరవకొండలో ఘనంగా సర్దార్ వల్లభాయ్ పటేల్ జయంతి వేడుకలు
ఉక్కు సంకల్పంతో భారత జాతి ఐక్యత సాధించిన సుస్థిర జాతి నిర్మాత సర్దార్ వల్లభాయ్ పటేల్ అని ఉరవకొండలోని డాక్టర్ బీఆర్ అంబేడ్కర్ బాలికల గురుకుల పాఠశాల ప్రిన్సిపల్ జ్ఞాన ప్రసూనా అన్నారు. గురువారం పటేల్ జయంతి సందర్భంగా స్కూలులో విద్యార్థులతో కలిసి నివాళులు అర్పించారు. అనంతరం వల్లభాయ్ పటేల్ గురించి విద్యార్థులకు వివరించారు. ఈ కార్యక్రమంలో లైబ్రరియన్ కుళ్లాయమ్మ, వైస్ ప్రిన్సిపల్ జయమ్మ, పాఠశాల విద్యార్థులు పాల్గొన్నారు.
