దేవరపల్లిలో కంటైనర్ బోల్తా
దేవరపల్లి జాతీయ రహదారిపై సోమవారం జరిగిన రోడ్డు ప్రమాదంలో ఒక వ్యక్తికి తీవ్ర గాయాలయ్యాయి. జాతీయ రహదారిపై కంటైనర్ అదుపుతప్పి బోల్తా కొట్టింది. ఈ ప్రమాదంలో వాహనం డ్రైవర్ కు గాయాలు కావడంతో చికిత్స నిమిత్తం ప్రభుత్వాసుపత్రికి తరలించామని స్థానికులు తెలిపారు. ఏలూరు నుంచి కొవ్వూరు వెళ్తుండగా ఈ ప్రమాదం చోటుచేసుకుంది. పోలీసులు ఘటనా స్థలానికి చేరుకొని కేసు నమోదు చేసి దర్యాప్తు చేపట్టామన్నారు.
