రోడ్డు ప్రమాదంలో యువకునికి తీవ్ర గాయాలు

విశాఖలోని శంకర్ మఠం రోడ్డులో సోమవారం రోడ్డు ప్రమాదం చోటుచేసుకుంది. ద్విచక్ర వాహనదారున్ని లారీ బలంగా ఢీకొట్టడంతో యువకుడు తీవ్రంగా గాయపడ్డాడు. 80 అడుగుల రోడ్డు జంక్షన్ వద్ద నుండి ఇన్కమ్ టాక్స్ ఆఫీస్ ఎదురు వరకు సుమారు 20 అడుగుల దూరం వరకు ఈడ్చుకుపోవడంతో యువకుడి పరిస్థితి విషమంగా ఉంది. స్థానికులు కేకలు వేయడంతో లారీ డ్రైవర్ ఘటనా స్థలం నుంచి పరారయ్యాడు. పోలీసులు కేసు నమోదు చేసి దర్యాప్తు చేస్తున్నారు.