కనిగిరి: రహదారి ప్రమాదంలో ఇద్దరికి తీవ్ర గాయాలు
రహదారి ప్రమాదంలో ఇద్దరు వ్యక్తులకు తీవ్ర గాయాలయ్యాయి. ఈ సంఘటన సిఎస్పురం వద్ద బుధవారం రాత్రి చోటు చేసుకున్నది. సిఎస్పురం-కనిగిరి రహదారిపై ఎదురెదురుగా రెండు ద్విచక్ర వాహనాలు ఢీకొనటంతో ఈ ప్రమాదం చోటు చేసుకున్నట్లుగా స్థానికులు తెలిపారు. జాతీయ హైవే నిర్మాణ పనులు జరుగుతున్న కారణంగా రహదారిలో పెద్దగుంతలు ఉండటంతో ప్రమాదాలు జరుగుతున్నట్లుగా వాహనదారులు తెలుపుతున్నారు. క్షతగాత్రులను స్థానికులు వైద్యశాలకు తరలించారు.
