దొనకొండ: పేకాట ఆడుతున్న ఏడు మంది అరెస్ట్

పేకాట ఆడుతున్న ఏడు మందిని అరెస్టు చేసినట్లుగా దొనకొండ ఎస్సై విజయ్ కుమార్ తెలిపారు. దొనకొండ మండలం రామాపురం గ్రామంలోని పాత వాటర్ ప్లాంట్ లో పేకాట ఆడుతున్న 7 మంది వ్యక్తులను దొనకొండ ఎస్సై విజయ్ కుమార్ తన సిబ్బందితో కలిసి బుధవారం అరెస్టు చేశామని, వారి వద్ద ఉన్న రూ.7,320 నగదును, 7 సెల్ ఫోన్లను స్వాధీనం చేసుకున్నామని తెలిపారు. వీరిపై కేసు నమోదు చేసి, కోర్టులో హాజరు పరుస్తామని పేర్కొన్నారు.