టంగుటూరు: ఎరువుల దుకాణాలు తనిఖీ

టంగుటూరు లోని ఎరువుల దుకాణాలను వ్యవసాయ శాఖ అధికారి స్వర్ణలత శనివారం తనిఖీ చేశారు. కృత్రిమ కొరత సృష్టించి అధిక ధరలకు ఎరువులు విక్రయిస్తున్నారన్న సమాచారంతో ఆమె ఎరువుల దుకాణాలను పరిశీలించారు. కొత్త రకమైన ఎరువులను విక్రయిస్తూ ఉండడంతో ఆ ఎరువులను శాంపిల్స్ ను స్వర్ణలత సేకరించారు. ల్యాబ్ కు పంపి పరీక్షలు చేయిస్తామని చెప్పారు. కృత్రిమ కొరత సృష్టిస్తే కఠిన చర్యలు తప్పవని దుకాణ యజమానులను ఆమె హెచ్చరించారు.