ఎస్ కోట: శంబలనగరికి పోటెత్తిన భక్తజనం

ఎస్ కోట మండలం రాజీపేట సమీపంలో గల ప్రముఖ ఆధ్యాత్మిక కేంద్రం శంబల నగరి శ్రీ గాయత్రీ మాత ఆలయానికి కార్తీక పౌర్ణమి సందర్భంగా శుక్రవారం భక్తులు అధిక సంఖ్యలో పాల్గొన్నారు. అర్చకుల ఆధ్వర్యంలో అమ్మవారికి ప్రత్యేక పూజలు నిర్వహించారు. ఆలయ ట్రస్ట్ సభ్యులు ఆధ్వర్యంలో ఏర్పాటు చేసిన అన్న సమారాధన కార్యక్రమంలో పాల్గొని అమ్మవారి ప్రసాదాన్ని స్వీకరించారు. సాయంత్రం అఖండ జ్యోతి ప్రజ్వలన చేయనున్నట్లు కమిటీ సభ్యులు తెలిపారు.