ఉరవకొండ: శ్రీలక్ష్మి నరసింహస్వామి ఆలయంలో ప్రత్యేక పూజలు
ఉరవకొండ మండలం పెన్నహోబిలంలో వెలసిన ప్రసిద్ధ పుణ్యక్షేత్రం శ్రీలక్ష్మి నరసింహస్వామి ఆలయంలో శనివారం సందర్భంగా శ్రీవారికి ప్రత్యేక పూజలు నిర్వహించారు. స్వామివారి మూలవిరాటుకు తెల్లవారుజాము నుంచి అభిషేకాలు, అర్చనలు తదితర పూజ కార్యక్రమాలు చేశారు. వివిధ రకాల పుష్పాలతో శ్రీవారిని సుందరంగా అలంకరించి, మంగళ వాయిద్యాలు నడుమ మంగళహారతి అనంతరం నైవేద్యం సమర్పించారు. భక్తులు స్వామివారిని దర్శించుకున్నారు.
