ఘంటసాల: కరకట్టపై అదుపుతప్పిన కారు

కృష్ణానది కరకట్టపై కారు అదుపుతప్పి నది వైపు దూసుకుపోయింది. ఆదివారం అర్ధరాత్రి ఘంటసాల మండలం పాపవినాశనం ఆశ్రమం సమీపంలోని మలుపులో ఈ ఘటన జరిగింది. విజయవాడకు చెందిన సయ్యద్ కలీం, సయ్యద్ అలీ దాదా, షేక్ మెహబూబ్ కారులో చల్లపల్లి వచ్చి తిరిగి వెళుతుండగా ప్రమాదానికి గురయ్యారు. దారిన పోయే వాహనదారులు ప్రమాదాన్ని గమనించి 108కు సమాచారం అందించారు. 108 సిబ్బంది ఘటన స్థలికి చేరుకుని సహాయక చర్యలు చేపట్టారు.