గుర్తు తెలియని వ్యక్తి మృతి
రాజమండ్రి రూరల్ మండలం శాటిలైట్ సిటీ-సి బ్లాక్ వద్ద బుధవారం సుమారు 40 ఏళ్ల వయసున్న గుర్తు తెలియని వ్యక్తి మృతి చెందాడు. బొమ్మూరు పోలీసుల తెలిపిన వివరాలు ప్రకారం శాటిలైట్ సిటీ-సి బ్లాక్ మూడో వీధి పంచాయతీలో తెలుపు, పసుపు గళ్ల చొక్కా, గోధుమరంగు ప్యాంట్ వేసుకున్న వ్యక్తి శవం కుళ్లిపోయిన దశలో కనిపించింది. వీఆర్వో రత్నకుమారి ఫిర్యాదు మేరకు ఎస్ఐ అంకారావు కేసు నమోదు చేసి దర్యాప్తు చేస్తున్నారు.
