రంగంపేట: బెల్ట్ దుకాణాలపై ఎక్సైజ్ సిబ్బంది దాడులు

రంగంపేట మండలం సింగంపల్లి, అనపర్తి మండలం పులగుర్త గ్రామాల్లో వేరువేరుగా గొలుసు దుకాణాలు నిర్వహిస్తున్న ఇద్దరు వ్యక్తులను అదుపులోకి తీసుకున్నట్లు రంగంపేట ఎక్సైజ్ సీఐ సుధా గురువారం ఓ ప్రకటనలో తెలిపారు. తమకు వచ్చిన సమాచారంతో తమ సిబ్బందితో కలిసి దాడులు చేసి ఇద్దరు వ్యక్తులను వేరువేరుగా అరెస్టు చేసి, వారి వద్ద నుంచి 124 మద్యం సీసాలను స్వాధీనం చేసుకున్నామన్నారు.