ధర్మాజీగూడెం: చోరీ కేసులో వ్యక్తి అరెస్ట్

ఏలూరు జిల్లా ధర్మాజీగూడెంలో మేకల హరి గోపాల్ అనే అనుమానిత వ్యక్తిని ఎస్ఐ వెంకన్న మంగళవారం అదుపులోకి తీసుకొని ప్రశ్నించారు. అతన్ని తనిఖీ చేయగా బంగారు నల్లపూసల గొలుసు లభ్యమైందని తెలిపారు. దీంతో సదరు వ్యక్తిని ప్రశ్నించగా అతను తన ఇంటి పక్కన ఉన్న ఇంటిలో ఎవరూ లేని సమయంలో తలుపులు పగలగొట్టి ఇంటిలో ఉన్న బంగారపు గొలుసును అపహరించినట్లు తెలిపారు. దీనిపై కేసు నమోదు చేశామన్నారు.