చిత్తూరు: బైక్ ఢీకొని వ్యక్తి మృతి
చిత్తూరు జిల్లా మురుకంబట్టు జంక్షన్ వద్ద శుక్రవారం తెల్లవారుజామున రోడ్డు ప్రమాదం చోటు చేసుకుంది. కర్నూలుకు చెందిన శ్రీనివాసులు నడిచి వస్తుండగా అతడిని బైక్ ఢీ కొట్టింది. ఈ ప్రమాదంలో తీవ్రంగా గాయపడిన అతడిని అంబులెన్స్ ద్వారా చిత్తూరు ప్రభుత్వ ఆసుపత్రికి తరలించారు. క్షతగాత్రుడు మార్గం మధ్యలోనే మృతి చెందినట్లు డాక్టర్లు వెల్లడించారు. మృతుడు ఓ ట్రాన్స్ పోర్ట్ కంపెనీలో డ్రైవర్ గా పని చేస్తున్నాడు.
