ఎన్.సి.సి. ఆధ్వర్యంలో ప్రపంచ నదుల దినోత్సవం

వాల్మీకిపురం స్థానిక పి.వి.సి. ప్రభుత్వ ఉన్నత పాఠశాలలో.. చిత్తూరు 35వ ఆంధ్రా బెటాలియన్ ఎన్.సి.సి. వారి ఆధ్వర్యంలో ప్రపంచ నదులు దినోత్సవం నిర్వహించారు. ఈ సందర్బంగా హెచ్.ఎం. సావిత్రి మాట్లాడుతూ.. నదులు మనకు జీవనాధారమని, ప్రపంచ ప్రఖ్యాత నాగరికతలు అన్నీ నదుల సమీపంలోనే ఏర్పడ్డాయని అన్నారు. నదులను పరిశుభ్రంగా ఉంచుకోవటం, ప్లాస్టిక్ వ్యర్థాలను తొలగించటం, నదీ మార్గాలు ఆక్రమణలకు గురి కాకుండా చూడటం మనందరి బాధ్యతని అన్నారు. ఈ అంశంపై నిర్వహించిన పోటీలలో గెలుపొందిన విద్యార్థులకు బహుమతులు అందజేసారు.