తాడిపత్రి: విద్యుత్ కార్యాలయాన్ని ముట్టడించిన సీపీఐ నాయకులు

తాడిపత్రి పట్టణంలో ట్రాన్స్ కో కార్యాలయాన్ని బుధవారం సీపీఐ నాయకులు ముట్టడించారు. పట్టణ పరిధిలోని పోరాట కాలనీ, శివాలయం వీధులలో రాత్రిపూట విద్యుత్ సమస్యలు తలెత్తితే అధికారులు స్పందించడం లేదని సీపీఐ పట్టణ కార్యదర్శి చిరంజీవి యాదవ్ ఆవేదన వ్యక్తం చేశారు. వెంటనే విద్యుత్ అధికారులు స్పందించి సమస్యలను పరిష్కరించాలని కోరారు. లేకుంటే రిలే దీక్షలు చేస్తామని హెచ్చరించారు.