ఎస్ రాయవరం: వైభవంగా ముగిసిన వెంకటేశ్వర కళ్యాణం
ఎస్. రాయవరంలో రెండు రోజులు పాటు జరిగిన వైభవ వేంకటేశ్వర స్వామి 9వ దివ్య లీలా కల్యాణ మహోత్సవాలు శనివారం వైభవంగా ముగిసాయి. అర్చన, హోమాలు, పూర్ణహుతి నిర్వహించారు. అనంతరం స్వామికి చక్రస్నానం చేయించారు. సాయంత్రం అన్నమాచార్య వాగ్గేయ వరదాయిని బృందంతో భక్తి కీర్తనలు నిర్వహించినట్లు ఆలయ ధర్మకర్త బీ. గోవిందు తెలిపారు. అనంతరం ఊంజల్ సేవ, పండిత సత్కారం తీర్థ ప్రసాద గోష్టి కార్యక్రమాలు జరిగినట్లు తెలిపారు.
