విశాఖలో నేడు కార్తీక దీపోత్సవం

సోమవారం సాయంత్రం విశాఖపట్నం ఎంవీపీ కాలనీలోని టీటీడీ హిందూ ధర్మ ప్రచార పరిషత్ కార్యాలయం ఆవరణలో 'కార్తీక దీపోత్సవం' నిర్వహించనున్నారు. టీటీడీ, హిందూ ధర్మ ప్రచార పరిషత్, జిల్లా ధార్మిక కమిటీ ఆధ్వర్యంలో ఏర్పాట్లు చేస్తున్నారు. దీపారాధనకు పూజా సామాగ్రిని నిర్వాహకులు ఉచితంగా అందిస్తారు. అధిక సంఖ్యలో భక్తులు విచ్చేసి కార్యక్రమం విజయవంతం చేయాలని ఆదివారం కోరారు.