నర్సంపేట: చెడుపై మంచి సాధించిన విజయానికి గుర్తుగా దీపావళి

వరంగల్ జిల్లా నర్సంపేట పట్టణంలోని ఆర్టీసీ డిపో, బస్టాండు ఆవరణలో గురువారం సిబ్బంది దీపావళి పూజలు నిర్వహించారు. సంప్రదాయ పద్ధతిలో మహిళా సిబ్బంది అరటి పండ్లు, మిఠాయిలు, సోంపు వాయినంగా ఇచ్చుకున్నారు. చెడుపై మంచి సాధించిన విజయానికి గుర్తుగా దీపావళి పండుగ జరుపుకుంటారని నర్సంపేట ఆర్టీసీ డిపో మేనేజర్ ప్రసూనలక్ష్మి అన్నారు. అసిస్టెంట్ మేనేజర్ భవాని, సూపర్వైజర్లు, సిబ్బంది పాల్గొన్నారు.