తానూర్: కుక్కల దాడిలో నలుగురికి గాయాలు

తానూర్ మండలంలోని బెంబర్ గ్రామంలో గత మూడు రోజుల్లో కుక్కలు నలుగురిపై దాడి చేసి గాయపర్చాయి. బుధవారం స్థానికులు తెలిపిన వివరాల ప్రకారం వేర్వేరు సమయాల్లో గ్రామంలో నడుచుకుంటూ వెళ్తున్న షేక్ మౌల మీయ, భీమ్రావ్, అంజనీ బాయి, షేక్ ముంతాజ్ పై కుక్కలు దాడి చేసి గాయపరిచాయి. వారిని కుటుంబ సభ్యులు తానూర్ మండల కేంద్రంలోని ప్రభుత్వ ఆసుపత్రికి తీసుకెళ్లి చికిత్స చేయించారు.