పెద్దపల్లి: మహిళలపై దూసుకెళ్లిన కారు.. ఇద్దరు మృతి
పెద్దపల్లి జిల్లా కేంద్రంలోని రంగంపల్లి వద్ద మంగళవారం తెల్లవారు జామున ఘోర రోడ్డు ప్రమాదం చోటుచేసుకుంది. వేగంగా వచ్చిన కారు అదుపుతప్పి నడుచుకుంటూ వెళ్తున్న ముగ్గురు మహిళలను ఢీకొట్టింది. ఇద్దరు మహిళలు అక్కడికక్కడే ప్రాణాలు కోల్పోగా, మరో మహిళకు తీవ్రగాయాలు కావడంతో ఆసుపత్రికి తరలించారు. పరిస్థితి విషమంగా ఉన్నట్టు తెలిసింది. మృతి చెందిన వారిని ఉదయనగర్‌కు చెందిన అమృత, భాగ్యగా గుర్తించారు.
