ఉప్పల్: లక్ష బిల్వార్చన పూజలో పాల్గొన్న ఎమ్మెల్యే

కార్తీకమాసం చివరి సోమవారం సందర్భంగా మీర్పేట్ డివిజన్ పరిధిలో హెచ్బీ కాలనీ ఫేస్-2 ప్రసన్నాంజనేయ స్వామి దేవాలయంలో కాశీ విశ్వనాథుడికి లక్ష బిల్వార్చన పూజ ఘనంగా నిర్వహించారు. ఈ పూజల్లో ఉప్పల్ ఎమ్మెల్యే బండారి లక్ష్మారెడ్డి, కార్పొరేటర్ జేరిపోతుల ప్రభుదాస్ పాల్గొన్నారు. స్వామి వారికి ప్రత్యేక పూజలు నిర్వహించారు. స్వామి వారి ఆశీస్సులతో ప్రజలందరూ సుఖ సంతోషాలతో ఉండాలని కోరుకున్నట్లు ఎమ్మెల్యే తెలిపారు.