సికింద్రాబాద్ పీజీ కళాశాల ప్రిన్సిపల్‌గా ప్రొఫెసర్ గంగాధర్

ఉస్మానియా యూనివర్సిటీ అనుబంధ సికింద్రాబాద్ పీజీ కళాశాల ప్రిన్సిపల్గా ప్రొఫెసర్ టీ. గంగాధర్ నియమితులయ్యారు. ఈ మేరకు ఆయనకు ఓయూ వీసీ ప్రొఫెసర్ ఎం. కుమార్ నియామక పత్రాన్ని మంగళవారం అందజేశారు. కెమిస్ట్రీ విభాగానికి చెందిన ఆయన గతంలో ఓయూ డైరెక్టరేట్ ఆఫ్ పీజీ అడ్మిషన్స్ జాయింట్ డైరెక్టర్ గా బాధ్యతలు నిర్వర్తించారు. ఈ సందర్భంగా ఆయనను పలువురు అధ్యాపకులు, అధికారులు, విద్యార్థి నాయకులు అభినందించారు.