తెలంగాణలో 30 నుంచి బీజేపీ నిరసనలు

తెలంగాణలో ఏడాది పాలన పూర్తికావస్తున్న సందర్భంగా కాంగ్రెస్ నిర్వహిస్తున్న ప్రజాపాలన విజయోత్సవాలకు కౌంటర్‌గా బీజేపీ ‘6 అబద్ధాలు 66 మోసాలు' పేరుతో నిరసన కార్యక్రమాలు చేపట్టనుంది. ఈ నెల 30 నుంచి డిసెంబర్ 5 వరకు రాష్ట్రవ్యాప్తంగా ఒక్కో రోజు ఒక్కో విధంగా నిరసన తెలపనుంది. అలాగే కాంగ్రెస్ వైఫల్యాలపై ఛార్జిషీట్లను ప్రదర్శించనుంది. ప్రతి నియోజకవర్గ కేంద్రంలో 2వేల మందితో నిరసన సభలు ఏర్పాటు చేయనుంది.