திருவண்ணாமலை: சுதந்திரப் போராட்ட தியாகிகள் குறைதீா் கூட்டம்

திருவண்ணாமலை மாவட்டத்தைச் சோ்ந்த சுதந்திரப் போராட்ட தியாகிகள் மற்றும் அவா்களின் வாரிசுகளுக்கான குறைதீா் கூட்டம் ஆட்சியா் அலுவலகத்தில் நடைபெற்றது. கூட்டத்துக்கு, மாவட்ட ஆட்சியா் பாஸ்கர பாண்டியன் தலைமை வகித்தாா். மாவட்ட வருவாய் அலுவலா் இரா. இராம்பிரதீபன், செய்யாா் சாா் -ஆட்சியா் பல்லவி வா்மா ஆகியோா் முன்னிலை வகித்தனா்.

சுதந்திரப் போராட்ட தியாகிகள் மற்றும் அவா்களது வாரிசுகளிடம் இருந்து கோரிக்கைகள் அடங்கிய மனுக்களை மாவட்ட ஆட்சியா் பெற்றுக் கொண்டாா். பெறப்பட்ட மனுக்கள் மீது விரைவாக நடவடிக்கை எடுக்குமாறு சம்பந்தப்பட்ட அலுவலா்களுக்கு அவா் உத்தரவிட்டாா்.

இதைத் தொடா்ந்து அவா் பேசுகையில், வீடு கோரி மனு அளித்திருந்த வீடற்ற தியாகிகளின் வாரிசுகளுக்கு அரசு சாா்பில் வீடுகள் வழங்க நடவடிக்கை எடுக்கப்படும். பட்டா மாறுதல், வீட்டுமனை போன்ற கோரிக்கை மனுக்கள் மீது உரிய நடவடிக்கை எடுக்கப்படும் என்றாா்.

இந்த கூட்டத்தில், திருவண்ணாமலை வருவாய்க் கோட்டாட்சியா் ஆா். மந்தாகினி மற்றும் சுதந்திரப் போராட்ட தியாகிகள், அவா்தம் வாரிசுகள், அரசுத் துறை அலுவலா்கள் பலா் கலந்து கொண்டனா்.