எடப்பாடி அருகே வெறிநாய் கடித்ததில் ஆறு ஆடுகள் உயிரிழப்பு

சேலம் மாவட்டம் எடப்பாடி அருகே செட்டிபட்டியைச் சேர்ந்தவர் குமார். இவர் விவசாய தொழில் செய்து வருகிறார். மேலும் ஆடுகள் வளர்த்து வருகிறார். நேற்று முன்தினம்(நவ.1) மாலை வழக்கம் போல் வீட்டின் முன்புறம் ஆடுகளை கட்டி வைத்துவிட்டு தூங்க சென்றார்.

பின்னர் நேற்று அதிகாலை எழுந்து பார்த்தபோது 6 ஆடுகள் செத்து கிடந்தது கண்டு அதிர்ச்சி அடைந்தார். வெறிநாய்கள் கடித்ததில் ஆறு ஆடுகளும் பலியாகி உள்ளது தெரியவந்தது. அடிக்கடி இது போன்று வெறிநாய்கள் ஆடுகளை கடித்து வருவதால் இந்த நாய்களை கட்டுபடுத்த அந்த பகுதி விவசாயிகள் கோரிக்கை விடுத்துள்ளனர்.