கீழ்வேளூரில் சைக்கிளில் சென்ற தவறி விழுந்தவர் பலி

.
நாகை மாவட்டம் கீழ்வேளூர் பேரூராட்சி போலீஸ் லைன் பகுதியை சேர்ந்தவர் பால்சாமி ராஜா மகன் செந்தில்குமார் (வயது 54) ஓய்வு பெற்ற சி. ஆர். பி. எப் வீரர். இவர் கடந்த 30 -ம் தேதி தனது நண்பர் குமார் உடன் மோட்டார் சைக்கிளில் பின்னால் அமர்ந்து கொண்டு சென்றுள்ளார். கீழ்வேளூர் - கச்சனம் சாலையில் உள்ள நேதாஜி நகர் அருகே செல்லும் போது மோட்டார் சைக்கிளில் இருந்து இருவரும் தடுமாறி கீழே விழுந்து உள்ளனர். இதில் செந்தில்குமாருக்கு தலையில் பலத்த காயமடைந்தார். அவரை அருகில் இருந்தவர்கள் மீட்டு 108 ஆம்புலன்ஸ் மூலம் நாகை அரசு மருத்துவக் கல்லூரி ஆஸ்பத்திரிக்கு அனுப்பி வைத்தனர். அங்கிருந்து செந்தில் குமாரை மேல் சிகிச்சைக்காக தஞ்சை அரசு மருத்துவ கல்லூரி ஆஸ்பத்திரியில் சேர்க்கப்பட்டு சிகிச்சையில் இருந்தார் அங்கு சிகிச்சை பலன் அளிக்காமல் நேற்று பரிதாபமாக இறந்தார். இது குறித்து கீழ்வேளூர் போலீசார் வழக்கு பதிவு செய்து விசாரனை மேற்கொண்டு வருகின்றனர்.