மதுரை: ஆயுதப்பூஜை, விஜயதசமி பண்டிகையை முன்னிட்டு பூக்களின் விலை உயர்வு

மாட்டுத்தாவணி பூக்கள் சந்தையில் இருந்து பல்வேறு வகையான பூக்கள் விற்பனை செய்யப்பட்டு வருகிறது, உள்நாடு மற்றும் வெளிநாடுகளுக்கு பூக்கள் ஏற்றுமதி செய்யப்பட்டு வருகிறது. இந்நிலையில் எதிர்வரும் ஆயுதப்பூஜை, விஜயதசமி பண்டிகையை முன்னிட்டு மதுரை மாட்டுத்தாவணி பூக்கள் சந்தையில் பூக்களின் விலை கணிசமாக உயர்ந்துள்ளது. பண்டிகைக்கு 2 நாட்கள் உள்ள நிலையில் பூக்களின் விலை பல மடங்கு உயர்ந்துள்ளது.

மல்லிகைப்பூ ஒரு கிலோ 300 ரூபாய்க்கு விற்பனை செய்யப்பட்ட நிலையில் தற்போது 800 ரூபாய்க்கு விற்பனை செய்யப்படுகிறது, பிச்சீப்பூ, முல்லைப்பூ ஒரு கிலோ 300 ரூபாய்க்கு விற்பனை செய்யப்பட்ட நிலையில் தற்போது 600 ரூபாய்க்கு விற்பனை செய்யப்படுகிறது. அரளிப்பூ 200 ரூபாய்க்கு விற்பனை செய்யப்பட்ட நிலையில் தற்போது 600 ரூபாய்க்கு விற்பனை செய்யப்படுகிறது.