தேன்கனிக்கோட்டை: உரிமம் பெறாமல் பட்டாசுகள் வைத்திருந்தவர் கைது

கிருஷ்ணகிரி மவட்டம் தேன்கனிக்கோட்டை போலீசார் டோலர்ஸ் காலனி அருகே நேற்று முன்தினம்(அக்.27) ரோந்து பணியில் ஈடுபட்டனர். அப்போது அங்கு ஒரு வீட்டில் உரிமம் பெறாமல் பட்டாசுகள் வைத்திருப்பதாக போலீசுக்கு தகவல் கிடைத்தது. இதை அடுத்து போலீசார் அந்த வீட்டை சோதனை செய்தனர். அப்போது அங்கு 120 பெட்டிகள் பட்டாசுகள் இருப்பது தெரிய வந்தது. இதை வைத்திருந்த நேரு நகரை சேர்ந்த பாலமுரளி (53) என்பவரை போலீசார் கைது செய்தனர்.