கமலா ஹாரிஸ் பிரசாரம்.. ஏ.ஆர். ரகுமான் இசை நிகழ்ச்சி ஏற்பாடு?

அமெரிக்க அதிபர் தேர்தல் வருகிற நவம்பர் மாதம் நடைபெற உள்ளது. இதில் ஜனநாயக கட்சி சார்பில் தற்போதைய துணை அதிபரும், இந்திய வம்சாவளியைச் சேர்ந்த கமலா ஹாரிஸ் போட்டியிடுகிறார். கமலா ஹாரிஸ் தேர்வு செய்யப்பட்டதைக் கொண்டாடும் விழாவில், ஏ.ஆர். ரகுமான் இசை நிகழ்ச்சி நடத்துவதாக தகவல் வெளியாகியுள்ளது. இதுகுறித்து ஏ.ஆர். ரகுமான் தரப்பில் எந்த கருத்தும் தெரிவிக்கவில்லை. கமலா ஹாரிஸுக்கு ஆதரவாக 30 நிமிட வீடியோவை ஏ.ஆர். ரகுமான் பதிவு செய்ததாகவும் கூறப்படுகிறது.