జాతీయ రహదారిపై రోడ్డు ప్రమాదం ఒకరు మృతి
ఉంగుటూరు మండల పరిధిలోని బాదంపూడి హైవే పై సోమవారం రోడ్డుప్రమాదం జరిగింది. బొమ్మిడికి చెందిన యర్రా పెద్దిరాజు, ఆయన భార్య నాగమణితో కలసి టీవీఎస్ మోపెడ్ మీద ఉంగుటూరు వెళ్లి అక్కడి నుంచి సొంతూరు బొమ్మిడి వెళ్తుండగా బాదంపూడి వై జంక్షన్ దాటే క్రమంలో హైదరాబాదు వైపు వెళ్లే కారు ఢీకొంది. ఘటనలో భర్త పెద్దిరాజు మృతిచెందగా, భార్యకు గాయాలయ్యాయి. హైవే సేఫ్టీ పోలీసులు క్షతగాత్రులను ఆసుపత్రికి తరలించారు.
