పోలవరం: ఏజెన్సీలోని డీఎస్సీ అభ్యర్థులకు గుడ్ న్యూస్
ఏలూరు జిల్లాలోని ఏజెన్సీ మండలాల్లో మెగా డీఎస్సీకి సన్నద్ధమవుతున్న గిరిజన యువతకు సాంఘిక సంక్షేమ, గిరిజన సంక్షేమ శాఖల ఆధ్వర్యంలో ఉచిత శిక్షణ ఇవ్వనున్నట్లు ఐటీడీఏ ఇన్‌ఛార్జ్ పీవో, జేసీ పి. ధాత్రిరెడ్డి మంగళవారం తెలిపారు. ఈ నెల 21లోపు జ్ఞానభూమి పోర్టల్‌లో వివరాలు నమోదు చేసుకోవాలన్నారు. దరఖాస్తుల పరిశీలనానంతరం అర్హత పరీక్ష నిర్వహిస్తామని, ఉత్తీర్ణులైన వారికి శిక్షణనిస్తామని అన్నారు.
