ప్రత్యేక నమోదు కార్యక్రమం

తాడేపల్లిగూడెం భవన నిర్మాణ కార్మిక సంఘం ఏఐటీయూసీ ఆఫీస్ నందు నెలవారి ఒకటో తారీకు సమావేశం అధ్యక్షులు పడాల శ్రీనివాస అధ్యక్షతన శనివారం జరిగింది. ఈ కార్యక్రమంలో ఆంధ్రప్రదేశ్ భవన నిర్మాణ వెల్ఫేర్ బోర్డు ద్వారా లేబర్ ఇన్సూరెన్స్ కార్డు నమోదు ప్రత్యేక కార్యక్రమం జరిగింది. ఈ కార్యక్రమంలో భవన నిర్మాణ కార్మికులు విశేషంగా హాజరయ్యారు. భవన నిర్మాణ రంగంలో కార్మికులు చాలామంది నమోదు కాకుండా ఉన్నారని వారందరూ నమోదు చేయించుకోవాలని యూనియన్ అన్నివేళలా కార్మికులను ఆదుకోవడానికి, కార్మికుల సమస్యలు పరిష్కరించడానికి ముందుంటుందన్నారు. ఈ కార్యక్రమంలో శెట్టి సింహాచలం రెడ్డి, శ్రీనివాస్ మొండెం, జేమ్స్ మల్లిపూడి వెంకటరావు, పిల్లం గోలకృష్ణ, పర్ణ సతీష్, శ్రీనివాస్ కాకర్ల, రాంబాబు తదితరులు పాల్గొన్నారు.