జామి మండలంలో ఘనంగా సామూహిక సత్యనారాయణ స్వామి వ్రతాలు

జామి మండలం అన్నం రాజుపేట మధుర పుష్పగిరి వేణుగోపాలస్వామి ఆలయంలో మంగళవారం ఏకాదశి పర్వదినాన్ని పురస్కరించుకొని సామూహిక సత్యనారాయణ స్వామి వ్రతాలను ఘనంగా నిర్వహించారు. ఈమేరకు ఆలయ అర్చకులు సీతారామాచార్యులు భక్తులతో సత్యనారాయణ స్వామి వ్రతాన్ని వేదమంత్రాలు నడుమ స్వామి వ్రతాన్ని చేయించి భక్తులకు సత్యనారాయణ స్వామి వ్రతకల్పాన్ని వివరించారు. భక్తులు అధిక సంఖ్యలో పాల్గొని స్వామివారిని దర్శించుకున్నారు.