నెల్లిమర్ల: ఐఎస్ఎల్ సర్వేను పరిశీలించిన ఎంపీడీవో

నెల్లిమర్ల మండలం రామతీర్థం, సీతారామునిపేటలో నిర్వహిస్తున్న ఐఎస్ఎల్, తాగునీటి పైపులైన్ల సర్వేను ఎంపీడీవో రామకృష్ణంరాజు సోమవారం ఈఓపిఆర్డి శంకర్ జగన్నాథంతో కలిసి పరిశీలించారు. త్వరితగతిన సర్వే పూర్తి చేసి నివేదిక సమర్పించాలని సిబ్బందికి ఆదేశించారు. ప్రధానంగా కాలువల్లో ఉన్న త్రాగునీటి పైపులను గుర్తించాలన్నారు. పారిశుధ్యం పై ప్రత్యేక శ్రద్ధ వహించాలని కోరారు. కార్యదర్శులు బంగారు రాజు, శ్రీదేవి పాల్గొన్నారు.