నారాయణవనం: లక్ష్మీ నరసింహస్వామి సేవలో కలెక్టర్

సత్యవేడు నియోజకవర్గం నారాయణవనం మండలం శింగిరికోనలో వెలసిన శ్రీ లక్ష్మీ నరసింహ స్వామి వారిని తిరుపతి జిల్లా కలెక్టర్ డాక్టర్ వెంకటేశ్వర్ గురువారం సాయంత్రం దర్శించుకున్నారు. ఈ సందర్భంగా ట్రస్ట్ వ్యవస్థాపకుడు పెంచల గుణవంత రావు, ట్రస్టీలు పి. గిరిబాబు, పి. భాస్కర్ బాబు ఆయనకు ఘన స్వాగతం పలికారు. దర్శన అనంతరం ఆలయ తీర్థప్రసాదాలతో పాటు చిత్రపటాన్ని అందజేశారు. ఈ కార్యక్రమంలో మండల అధికారులు పాల్గొన్నారు.