శ్రీకాకుళం : నిద్ర మత్తులో డ్రైవర్.. బోల్తా పడిన లారీ
నందిగాం మండలం పాలవలస పేట గ్రామ సమీప జాతీయ రహదారిపై గురువారం తెల్లవారుజామున ఓ లారీ అదుపుతప్పి పంట కాలువలో బోల్తా పడింది. ఈ ప్రమాదంలో లారీ డ్రైవర్, క్లీనర్ చిన్నపాటి గాయాలతో బయటపడ్డారు. విషయం తెలుసుకున్న నేషనల్ హైవే సిబ్బంది, పోలీసులు ఘటనా స్థలానికి చేరుకొని వివరాలు సేకరించారు. డ్రైవర్ నిద్రమత్తే ప్రమాదానికి కారణమని పోలీసులు తెలిపారు. వీరికి వెంటనే ప్రథమ చికిత్స అందజేశారు.
