కదిరిలో జిల్లా స్థాయి యూటీఎఫ్ స్వర్ణోత్సవాలు
ఉపాధ్యాయులకు బోధనతో పాటు క్రీడలు ఎంతో ముఖ్యమని ఆంధ్రప్రదేశ్ ఐక్య ఉపాధ్యాయ ఫెడరేషన్ రాష్ట్ర అధ్యక్షులు నక్కా వెంకటేశ్వరరావు ఆదివారం తెలిపారు. కదిరి పట్టణంలోని ప్రభుత్వ బాలికల ఉన్నత పాఠశాలలో నిర్వహించిన యూటీఎఫ్ స్వర్ణోత్సవ జిల్లా స్థాయి, మహిళా ఉపాధ్యాయ పోటీలకు రాష్ట్ర అధ్యక్షులు ముఖ్య అతిథులుగా హాజరయ్యారు. ఈ కార్యక్రమంలో శ్రీ సత్యసాయి జిల్లా అధ్యక్షులు శెట్టిపి జయచంద్రారెడ్డి తదితరులు పాల్గొన్నారు.
