చీమకుర్తి: పాల లారీ బోల్తా.. డ్రైవర్ కు గాయాలు
పాల లారీ అదుపుతప్పి బోల్తాపడటంతో డ్రైవర్ కు గాయాలు అయ్యాయి. ఈ సంఘటన చీమకుర్తి మండలం తొర్రగుడిపాడు గ్రామ సమీపంలో బుధవారం రాత్రి చోటు చేసుకున్నది. దావులూరి కృష్ణ పాల లారీ ఒంగోలు వెళ్తూ ఎదురుగా వస్తున్న వాహనాన్ని తప్పించబోయి బోల్తా పడింది. ఈ ఘటనలో డ్రైవర్ రమేష్ కు గాయాలు కావటంతో, 108 వాహనంలో ఒంగోలు వైద్యశాలకు తరలించారు. పోలీసులు కేసు నమోదు చేసి దర్యాప్తు చేపట్టారు.
