బొబ్బిలి: గిరిజన మహిళలకు చీరలు పంపిణీ చేసిన వనమిత్ర

బొబ్బిలి పట్టణ శివారు దేవనవలస గిరిజన గ్రామంలో ఆదివారం గిరిజన మహిళలకు వనంమిత్ర కృష్ణ దాస్ చీరలు, దుస్తులు, నిత్యావసరాలు ఉచితంగా పంపిణీ చేశారు. ఈ సందర్భంగా ఆయన మాట్లాడుతూ ప్రతి వాళ్లు గొప్ప సేవలు చేయలేకపోవచ్చు కానీ చేసిన చిన్న సేవ గొప్పగా ఉండాలన్నారు. సామాజికవేత్తలు, దాతలు ఈ పేద గిరిజన కుటుంబాలపై స్పందించి సహాయం చేయాలని కోరుతున్నారు. ఈ కార్యక్రమంలో గిరిజన మహిళలు, పిల్లలు పాల్గొన్నారు.