పత్తికొండ: తగ్గిన టమాట ధర.. కిలో రూ. 23

కర్నూలు జిల్లాలో టమాట ధర అమాంతం పడిపోయింది. గురువారం పత్తికొండ వ్యవసాయ మార్కెట్ యార్డులో కిలో టమాట గరిష్ట ధర రూ. 23, కనిష్టం రూ. 13, సరాసరి రూ. 16 పలికిందని రైతులు ఆవేదన వ్యక్తం చేశారు. రెండు నెలల పాటు రైతులకు కాసులు కురిపించిన టమాటా ఇప్పుడు మళ్లీ అన్నదాతలను కష్టాల్లోకి నెట్టేస్తోంది. కొద్దిరోజుల క్రితం కిలో టమాట ధర రూ. 33 పలికింది. 521. 05 క్వింటాళ్ల టమాట పంట ఉత్పత్తులు యార్డుకు రైతులు తీసుకొచ్చారు.