చల్లపల్లి: ప్రజా ఉద్యమాలలో కళాకారుల పాత్ర ఎనలేనిది
ప్రజలలో చైతన్యం తీసుకువచ్చేది కళలే అని ప్రజా నాట్యమండలి రాష్ట్ర నాయకులు ఆర్. పిచ్చియ్య పేర్కొన్నారు. ప్రజా నాట్య మండలి నాయకులు అడ్డాడ దుర్గా నాగేశ్వరరావు 2వ వర్ధంతి చల్లపల్లి మండల పరిధిలోని వక్కలగడ్డ గ్రామంలో బుధవారం నిర్వహించారు. ఈ కార్యక్రమానికి ముఖ్య అతిధిగా విచ్చేసిన పిచ్చయ్య మాట్లాడుతూ కళ కళ కోసం కాదని, కళ ప్రజలకోసం పుట్టిందని పేర్కొన్నారు. ఈ కార్యక్రమంలో పలువురు నేతలు పాల్గొన్నారు.
