మోపిదేవి: స్వామివారి ఒక్కరోజు ఆదాయం రూ.6.38 లక్షలు

ప్రముఖ పుణ్య క్షేత్రంగా విరాజుల్లుతున్న మోపిదేవి శ్రీ సుబ్రహ్మణ్యేశ్వరస్వామికి ఆదివారం ఒక్క రోజుకు గాను వివిధ సేవా టిక్కెట్ల రుసుము ద్వారా రూ. 6, 38, 344 ఆదాయం వచ్చినట్లు ఆలయ ఈవో శ్రీరామ వరప్రసాదరావు సోమవారం తెలిపారు. ఆదివారం సెలవు రోజు కావడంతో దేవాలయం భక్తులతో కిటకిటలాడిందని, భక్తులకు ఎలాంటి అసౌకర్యం కలగకుండా తగిన చర్యలు తీసుకున్నట్లు ఆయన తెలిపారు.