వల‌స కూలీలకు మజ్జిగ పంపిణీ

కడప జిల్లా రైల్వే కోడూరు యం. జి. రోడ్డులోని తులసి కాంప్లెక్స్ వద్ద గురువారం ఎండ తీవ్రతను తట్టుకోవడానికి పాదచారులకు, వలస కూలీలకు, వివిధ పనులపై బజారుకు వచ్చేవారికి బుడుగుంటపల్లె అయ్యప్ప స్వామి ఆలయ ధర్మకర్త, పూజారి, అయ్యప్పస్వామి పాదసేవకుడు అదునుకోట నరసింహస్వామి భార్య మొహనమ్మ ఆధ్వర్యంలో కొర్లకుంట గురవయ్య మనుమడు చిరంజీవి పన్విత్ పుట్టినరోజు సందర్భంగా వడదెబ్బను తట్టుకోవడానికి నిమ్మరసం, జీలకర్ర వేసి చేసిన మజ్జిగ ను పంపిణీ చేశారు. పాదచారుల కోసం కూల్ వాటర్ కూడా ఏర్పాటు చేశారు. కరోనాతో అట్టుడుకుతున్న సందర్భంగా ప్రతి ఒక్కరూ ఇంటివద్దనే వుంటూ ఆరోగ్యాలను కాపాడుకోవాలని తెలియ జేశారు. ఈ కార్యక్రమంలో విశ్వహిందూ పరిషత్ కార్యకర్తలు, సుగవాసి మల్లికార్జున, దరిశా వెంకటరెడ్డి, మంకు రమణ, కొండేటి భాస్కర్, కొర్లకుంట గురవయ్య పాల్గొన్నారు.