యూట్యూబ్‌లో లైక్‌ల కోసం ‘ఉడుము’ కూర వండారు

AP: యూట్యూబ్‌లో లైక్‌ల కోసం ఉడుము కూర వండిన ఇద్దరిని పోలీసులు అరెస్టు చేశారు. పార్వతీపురం మన్యం జిల్లా  బండిదొరవలస గ్రామానికి చెందిన నాగేశ్వరరావు సచివాలయంలో JLగా పనిచేస్తున్నారు. గత నెల అదే గ్రామానికి చెందిన ఎ.నానిబాబుతో కలిసి అడవిలో ఉడుమును పట్టుకున్నారు. దాన్ని ఎలా కూర వండాలో వీడియో చేసి, యూట్యూబ్‌లో పెట్టారు. దీనిపై ఫిర్యాదు రావడంతో వారిని పోలీసులు మంగళవారం అరెస్టు చేశారు. ఫారెస్టు అధికారులు కేసు నమోదు చేశారు.