చంద్రగిరి: గాదంకి ఫారెస్ట్ చెక్ పోస్ట్ సమీపంలో లారీ దగ్ధం

తిరుపతి జిల్లా పాకాల మండలం గాదంకి ఫారెస్ట్ చెక్ పోస్ట్ దగ్గర శుక్రవారం రాత్రి ప్రమాదం జరిగింది. పోలీసుల వివరాల మేరకు. చిత్తూరు నుంచి తిరుపతికి టమోటా లోడ్ తో వెళుతున్న లారీ గాదంకి వద్దకు రాగానే అదుపుతప్పి డివైడర్ ను ఢీకొట్టింది. ఇంజిన్ నుంచి మంటలు వ్యాపించి లారీ పూర్తి దగ్ధం అయ్యింది. డ్రైవర్, క్లీనర్ కిందికి దూకేయడంతో ప్రాణాపాయం తప్పింది. స్వల్పంగా గాయపడిన వారిని తిరుపతి రుయా ఆసుపత్రికి తరలించారు.